Pínu klúður

það varð eitthvað klúður með að setja inn á bloggið á meðan sumarbúðunum stóð, nettengingin ekki að virka og óþarfa veikindi. En nú er ég komin heim og er með fullt af efni frá krökkunum sem ég mun setja inn nú á næstu dögum. Þannig að á morgun kemur fimmtudagurinn og svo koll af kolli, svo þetta sé ekki að koma allt í einni bunu og verði allt of langt til að lesa.

ADG 

SUMARBÚÐIRNAR LIVE

Góðan daginn gott fólk, hér erum við nánast í beinni á Sumarbúðum/móti URKÍ, svo ekki vafra í burtu, haha... ok þetta var lélegur brandari .

Við ætlum að setja inn smá blogg á hverjum degi um það sem ungmennin hafa verið að gera hérna og leyfa ykkur að fylgjast með. Við munum einnig setja inn nokkrar myndir sem hafa verið teknar á svona myndavélatækifærum, ásamt af því sem við höfum verið að gera.

          Þar sem það er liðinn einn dagur af mótinu ætla ég að skella inn hér smá texta frá krökkunum um daginn í gær og frá mér frá því í fyrradag. Byrjum á mér.

 

12.-13. ágúst

 

Ég vaknaði eldsnemma til að ná flugvélinni frá Ísafirði til Reykjavíkur þar sem við áttum að hitta norrænu leiðbeinendurna ásamt þeim íslensku til að fara yfir gang mála og bonda (upp á mjög lélega íslensku.) eða þjappa hópnum saman.

Að sjálfsögðu enduðum við frænkurnar, ég og Svava, saman og við tölltum upp í Rauða kross.

          Við hittum allt fólkið og sáum strax að þetta yrði frábær hópur.

Þar sem Svava átti að sjá um að raða í herbergi, fórum við fram á það að fá að fara fyrr norður og fengum við það. Það var lagt af stað með allar töskurnar okkar, öll ábyggilega 700 kílóin, og hlaupið yfir Breiðholtsbrautina til að komast í risa Ford jeppann með risa hjólhýsinu afturí sem var pínu að aftra umferðinni. Þar sem Julia, Klara, Maria og Henri, norrænu leiðbeinendurnir sváfu í hjólhýsinu komu þau líka með. Þarna sátum við 7 saman í stóra jeppanum og skemmtum okkur við það að vera með þetta ferlíki í afturdragi.

Um leið og við komum á Löngumýri vildu allir fara að sofa, norræna fólkið fór inn en Íslendingarnir sváfu í hjólhýsinu eins og sannir víkingar.

          Næsta morgun hófst sú martröð að raða fólki í herbergi, það tók tíma en loksins var komin niðurstaða og allir komnir í herbergi og gat ég og Svava tekið okkur smá tíma til að flytja úr hjólhýsinu inn í herbergi sem er meyjarskemma fjögurra yndismeyja,í augnablikinu. Síðan var bara slakað á og beðið eftir að krakkarnir kæmu.

 

13.ágúst

 

Við vöknuðum kl. 8 til að fara í rútuna, sem átti að fara kl.9. Rútuferðin var löng, en leiðbeinendurnir reyndu að stytta stundir. Við stoppuðum í Staðarskála en komum loksins á Löngumýri um korter yfir eitt. Okkur var sýnt hvar við áttum að sofa, við hentum dótinu okkar inn og fengum okkur síðan að borða. Eftir hádegismatinn fórum við í fótbolta, stelpurnar og Henri á móti strákunum, strákarnir unnu.

Eftir kaffi voru útileikir. Við fórum í nafnaleik, til að kynnast betur, hókí pókí, hlaupa í skarðið og í þróunarleikinn. Þá var komið að kvöldmat og fengum við pítsu. Eftir það var hópavinna. Þetta var allt mjög skemmtilegt.

ADG

Sumarmót URKÍ

Núna á miðvikudaginn, 13. ágúst, munu 30 kát ungmenni koma saman og eiga góða stund, undir leiðsögn skemmtilegra leiðbeinenda.

Sumarbúðirnar eða sumarmótið ber nafnið Viðhorf og virðing og er í tengslum við samnefnt námskeið. Dagskráin samanstendur af ýmsum viðburðum og má nefna river rafting, sund, kvöldvökur ásamt fullt af skemmtilegum leikjum.

Við erum einnig svo heppin að við munum fá 4 leiðbeinendur frá hinum Norðurlöndunum. Þeir koma frá  Færeyjum, Finnlandi, Danmörku og Svíþjóð.

 

 ADG

 

 

 

Tákn Rauða krossins misnotað?

Ég var að lesa þessa frétt og langaði að koma henni hérna inn á...

Leyniþjónusta kólumbíska hersins situr nú undir ásökunum um að hafa brotið gegn Genfarsáttmálanum og framið stríðsglæp með því að nota fána Alþjóða rauða krossins er fimmtán gíslar Farc samtakanna voru frelsaðir úr haldi samtakanna fyrr í þessum mánuði. Þetta kemur fram á fréttavef CNN.

Yfirvöld í Kólumbíu höfnuðu upphaflega slíkum staðhæfingum en hafa nú sagt að öll tákn sem notuð hafi verið í aðgerðinni hafi verið sérútbúin en að ekki hafi verið notuð tákn nokkurra samtaka. Talsmenn Alþjóða rauða krossins segja að trúnaðarsamtöl hafi farið fram á milli fulltrúa samtakanna og yfirvalda í Kólumbíu um málið.

Fram kemur á fréttavef CNN að fréttamenn stöðvarinnar hafi séð myndir og myndbönd þar sem greinilega megi sjá að tákn Rauða krossins hafi verið notuð við aðgerðina. Mark Ellis, framkvæmdastjóri alþjóðlegu lögfræðisamtakanna International Bar Association, segir að sé þetta rétt, sé það óumdeilanlega stríðsglæpur sem geti stofnað framtíðastarfi hlutlausra hjálparsamtaka í hættu.

„Það er ljóst að það er mjög skýrt kveðið á um notkun tákna í sáttmálanum, vegna þess hvað þau standa fyrir, þ.e. hlutleysi,” segir hann. „Það er talin hætta á því að séu þau misnotuð dragi það úr trúverðugleika hlutleysisins og skaði þannig starfsemi samtakanna,” segir hann.

Aðgerðin sem um ræðir vakti mikla athygli en Ingrid Betancourt, fyrrum forsetaframbjóðandi í Kólumbíu, var meðal þeirra fanga sem frelsaðir voru í henni. Eftir að hún hlaut frelsi réttlætti hún aðgerðina og sagði fangana hafa þolað svo miklar þjáningar að það hlyti að réttlæta hvernig að henni var staðið. sótt af vef Morgunblaðsins
http://mbl.is/mm/frettir/erlent/2008/07/16/takn_rauda_krossins_misnotud/

ADG

Vorferð barna og unglingastarfs á höfuðborgasvæðinu

Laugardaginn 24. maí héldu unglingar í unglingarstörfum deildanna á höfuðborgarsvæðinu í sína árlegu vorferð. Það var haldið til Stokkseyrar þar sem farið var í sund. Drauga, Trölla og Álfasetrin var heimsótt. Krakkarnir voru himinlifandi yfir safninu og vildu sum fara strax af stað aftur þegar þau voru búnir að fara einn hring, en önnur voru ánægð að ferðin um safnið væri yfirstaðin. Þegar búið var að hræða líftóruna úr öllum, þá sérstaklega leiðbeinendum, var haldið til Hveragerðis þar sem farið var í leiki og hamborgarar grillaðir í góðviðrinu. Fékk hópurinn afnot af húsnæði Hveragerðisdeildarinnar.
Sótt af vef Reykjavíkurdeildarinnar

Þáttaka í þjóðahátíð

Um síðustu helgi tóku tvær deildir Rauða krossins þátt í Þjóðahátið Alþjóðahússins.Ungliðar á vegum Hafnarfjarðardeildar stóðu fyrir bókamarkaði til styrktar félagsstarfs fyrir hælisleitendur á Íslandi auk þess sem þau kynntu vinadeildasamstarf við deild innan Malavíska Rauða krossinn. Einnig mátti jafnframt kaupa ýmsa muni og te frá Malaví. Ágóði af sölunni rennur beint til styrktar Rauða kross deildarinnar í Malaví. Ungmennin söfnuðu alls 17.750 kr. sem skiptast nokkurn vegin til helminga á milli þessara tveggja verkefna.Á næsta bási við bókamarkaðinn kynnti Garðabæjardeild Mentoraverkefni sem deildin hefur umsjón með. Í verkefninu styðja íslenskar konur við bakið á erlendum konum sem hér búa með það að markmiði að auðvelda þeim atvinnuþátttöku og aðlögun að íslensku samfélagi.

sótt af vef Hafnafjarðadeildarinnar

Ýmislegt í gangi

Þó það sé komið sumar með sól og sumaryl en óþarfa vind og rigningu má segja að það sé alveg nóg að gera.

Fyrsti stjórnarfundur URKÍ stjórnarinnar var haldinn 31.maí og gekk fundurinn ágætlega miðað við að stjórnin var dreifð um landið.

Eftir fundinn ákváðu tveir stjórnarmeðlimir að fara á skjálftasvæðið eftir að það hafði verið beðið um auka mannskap og hjálpa.

Spurning hvort að þau vilji segja frá hvernig sú reynsla var?

Undurbúningur fyrir sumarmótið er í fullum gangi og mikil spenna komin í leiðbeinendurna. Það er enn pláss, endilega látið það berast og þó að umsóknartíminn sé liðinn þá kemst fólk enn að. Allar upplýsingar eru á redcross.is og hjá Jóni Brynjari. 

Mig langar að benda þeim á sem hafa áhuga á að vera í einhverri nefndinni innan URKÍ þá endilega senda póst á [e-mail], en þær eru; Alþjóðanefnd, Ritnefnd og Verkefnanefnd.  

ADG 

 

 

Suðurlandskjálfti

Einsog flest allir hafa áttað sig á varð jarðskjálfti á Suðurlandi í dag. Hann var ábilinu milli 6,1-6,3 á richter og mun hann hafa fundist um allt land. Allavega á  Ísafjörð, ég fann það. 

Aðsjálfsögðu var Rauði krossinn kominn fljótlega á staðinn og er búinn að koma  upp fjöldahjálparstöðvum á öllum stöðum þar sem fólk getur leitað sér hjálpar.  Samkvæmt fréttum eru um 100 sjálfboðaliðar að störfum á vettvangi í fjöldahjálp,áfallahjálp og skyndihjálp. Fólki var mikið brugðið enda mikil ósköp sem dundu á. 

Sjálfboðaliðar  munu standa vaktina í nótt í Hveragerði og á Selfossi, en vegna lítillar aðsóknarvar ákveðið að loka fjöldahjálpastöðvunum á hinum stöðunum s.s. Hvolsvelli, Hellu,Þykkvabæ, Stokkseyri og Eyrarbakka fyrir miðnætti. Ef til þurfti átti að opnafjöldahjálparstöð í Menntaskólanum í Hamrahlíð en á því var ekki þörf. Allirþeir sem leituðu sér aðstoðar  vegna gistingar hjá Rauða krossinum áReykjavíkursvæðinu hefur verið komið fyrir heimahúsum.

Samkvæmtfréttum slösuðust 28 manns, 21 með minniháttar meiðsl og 7 leituðu aðstoðar áslysadeild. Mikið tjón varð á eigum fólks og húsum. 

 ADG

  

 

HIV-leikurinn

Þriðjudaginn 15.apríl var URKÍ-Akureyri með HIV-leik á opnum dögum hjá menntskælingum. Mikill áhugi var fyrir leiknum og fylltust fljótlega öll 20 plássin.Svona er honum lýst.Leikurinn gengur í stuttu máli þannig fyrir sig að þátttakendur fá nýtt nafn, persónuleika og áhugamál og svo lítið glas með óþekktum vökva. Síðan fer fólk að spjalla saman og ef efni standa til geta þau stundað kynlíf saman. Það er síðan undir persónuleikanum komið hvort það verður öruggt eða ekki, það er að segja hvort vökvunum verður blandað saman eður ei. Leikurinn endar síðan á því að allir fara í HIV próf og kemur þá í ljós hverjir eru sýktir og hverjir ekki.- AkureyradeildÞað var aðeins einn þáttakandi sem var upphaflega smitaður af HIV en í lok leiksins munu allir, nema tveir, vera sýktir.

Leikurinn gekk vonum framar og voru þátttakendur flestir á því máli að leikurinn hefði fengið þau til að sjá þessi mál í nýju ljósi.

Það væri gaman að sjá þetta gerast í fleiri deildum... til að sýna fram á alvarleika málsins langar mig að láta fylgja með link inn á AIDS "klukku"  

http://www.b2.is/?sida=tengill&id=284921

ADG 

"Allir með"

Reykjavíkurdeildin er að setja á laggirnar nýtt verkefni í samstarfi við Alþjóðahúsið sem nefnist  "Allir með". Verkefninu er ætlað að ná til barna af erlendum uppruna inn í íþróttastarf.  það hefur sýnt sig að foreldrar af erlendum uppruna eru ekki að nýta frístundakortin fyrir börn sín.

Alþjóðahúsið er með foreldrafræðslu og þjálfunarfræðslu um mikilvægi  þess að gera íþróttastarfið aðgengilegra fyrir börn af erlendum uppruna og hefur URKÍ-R  fengið að koma inn hjá sömu íþróttafélögum og eru að taka þátt. Þar hafa þau verið með fordómafræðslu sem þau byggja upp úr verkefnapakkanum Viðhorf og virðing.

ADG